ଆଚ୍ଛା ସଙ୍ଗଠନ ପକ୍ଷରୁ ମହାରାଜପୁର୍ ଠାରେ ବୃକ୍ଷ ରୋପଣ

ବାଲେଶ୍ୱର –(୧୯.୦୭.୨୦୨୦) ବୃକ୍ଷ ହିଁ ଜୀବନ । ମାତ୍ର ଆମେ ସେଥିପାଇଁ ଏତେଟା ବି ସଚେତନ ନୁହଁ । ଆଗଭଳି ଆଉ ବର୍ଷା ମଧ୍ୟ ହେଉନାହିଁ ଠିକ୍ ସମୟରେ ସେଥିପାଇଁ ଜଙ୍ଗଲ ନଷ୍ଟ ହିଁ ଦାୟୀ । ବର୍ତ୍ତମାନ ଅନେକ ସଂଗଠନ ଅନେକ ସ୍ୱେଚ୍ଛାସେବୀ ମଧ୍ୟ ବୃକ୍ଷରୋପଣ କରୁଛନ୍ତି କିନ୍ତୁ ରକ୍ଷଣା ବ୍ୟକ୍ଷଣା ଅଭାବରୁ ଉକ୍ତ ଗଛ ଟୋପେ ପାଣି ନପାଇ ମରିଯାଉଛି । ସେହିଭଳି ଭାବରେ ଓଡିଶାର ସୁନାମଧନ୍ୟ ସଂସ୍ଥା ହେଉଛି "ଆଚ୍ଛା" ସଂଗଠନ ଲକ୍ ଡାଉନ୍ ସମୟ ହେଉକି ଅନ୍ ଲକ୍ ରେ ସଦାସର୍ବଦା କିଛିନା କିଛି ସାମାଜିକ କାର୍ଯ୍ୟରେ ଲିପ୍ତରହିଛି । ଆଜି ଆଚ୍ଛା ସଂଗଠନର ରାଜ୍ୟ ସଂଯୋଜକ ରାକେଶ କୁମାର ଶି ଅଳଙ୍କ ନେତୃତ୍ୱରେ ରେମୁଣା ବ୍ଲକ ଅନ୍ତର୍ଗତ ମହାରାଜପୁର ପଞ୍ଚାୟତରେ "ବୃକ୍ଷରୋପଣ ଓ ତାର ରକ୍ଷଣ ବେକ୍ଷଣ" କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସଂଗଠନର ସମସ୍ତ ସଦସ୍ୟଙ୍କ ସହଯୋଗରେ ମିମ୍ବ ଗଛ, ଆମ୍ବ ଗଛ, ବରଗଛ, ଅଶ୍ୱତ୍‌ଥ ଭଳି ଅନେକ ଗଛର ଚାରା ରୋପଣ ସହ କିପରି ତାହା ର ଯତ୍ନ ନିମନ୍ତେ ବୃକ୍ଷର ଚାରିପାଖରେ ବାଉଁଶ କୋଣିରେ ବାଡ ଘେରାଇ ଥିଲେ । ଉକ୍ତ କାର୍ଯ୍ୟକ୍ରମରେ ଅନ୍ୟମାନଙ୍କ ସଧ୍ୟରେ ଭଗବାନ ବେହେରା, ନିରଞ୍ଜନ ସିଂ, ହେମନ୍ତ କୁମାର ଶିଅଳ, ଗଜେନ୍ଦ୍ର ବେହେରା, ଅର୍ଜୁନ ସିଂ ପ୍ରଭୃତି ଉପସ୍ଥିତ ଥିଲେ