ବିଶ୍ୱ ମହାମାରୀ କୋରାନା ସମୟରେ ମହନୀୟତା ଦେଖାଇଲେ ଦାନ୍ତ ବିଶେଷଜ୍ଞ ଡାକ୍ତର ସୁବାଷ ଚନ୍ଦ୍ର ନାୟକ

ବାଲେଶ୍ବର ଜିଲ୍ଲାର ସଦର ବ୍ଲକ ଅଧିନ ରଣସହି ଗ୍ରାମର ମଧ୍ୟବିତ୍ତ ପରିବାର ବୈରାଗୀ ଚରଣ ନାୟକଙ୍କ ଚତୁର୍ଥ (ସାନ) ପୁତ୍ର ସୁବାଷ ଚନ୍ଦ୍ର ନାୟକ । ପିଲାଟି ବେଳୁ ସବୁ ଗୁଣରେ ପାରଙ୍ଗମ ଓ ଶିକ୍ଷାରେ କୃତିତ୍ୱ ଅର୍ଜନ କରବା ସହ ନିଜର ଦଶମ ବୋର୍ଡ ପରୀକ୍ଷାରେ ସର୍ବାଧିକ ନମ୍ବର ଅର୍ଜନ କରିଥିଲେ । କଲେଜ କ୍ୟାରିଅର ଠାରୁ ସମାଜସେବା କରିବାର ମନବୃତି ରଖିଥିବା ସୁବାଷ ନିଜକୁ ଡାକ୍ତର କରି ଲୋକ ମାନଙ୍କର ସେବା କରିବାର ସ୍ବପ୍ନ ଦେଖିଥିଲେ । ଶେଷରେ କଟକ ଏସ.ସି.ବି. ମେଡିକାଲ କଲେଜରୁ ଦାନ୍ତ ବିଶେଷଜ୍ଞ ଭାବେ ପ୍ରସ୍ତୁତ କଲା ପରେ ହାଇଟେକ ମେଡିକାଲ କଲେଜରେ ଦାନ୍ତ ବିଭାଗର ଉପାଧ୍ୟକ୍ଷ ଭାବେ କର୍ମରତ ଅଛନ୍ତି । ମାତ୍ର ସେତିକିରେ ସେ ଅଟକିଲେ ନାହିଁ । ସମାଜସେବା କରିବା ପାଇଁ ସେ ସଦାସର୍ବଦା ବିଭିନ୍ନ ସଙ୍ଗଠନ ସହ ମିଶି ନିଜ ଉପାର୍ଜିତ ଅର୍ଥକୁ ଲୋକ ମାନଙ୍କ ସେବାରେ ଲାଗନ୍ତି । ଏବେ ବିଶ୍ୱ ମହାମାରୀ କୋରାନା ସମୟରେ ବାଲେଶ୍ୱର ଜିଲ୍ଲାରେ ଆଚ୍ଛା ସଙ୍ଗଠନ ସହ ମିଶି ବିଭିନ୍ନ ଗରିବ ଲୋକଙ୍କୁ ଖାଦ୍ୟ ବଣ୍ଟନ, ମାକ୍ସ ବଣ୍ଟନ, ରକ୍ତ ଦାନ ଶିବିର ଆଦିରେ ନିଜକୁ ନିୟୋଜିତ କରିଛନ୍ତି । ଯୁବ ଅବସ୍ଥାରେ ତାଙ୍କର ଏହିପରି କାର୍ଯ୍ୟକ୍ରମ କୁ ସାଧାରଣରେ ଗରିବ ଓ ଅସହାୟ ଲୋକମାନେ ପ୍ରଶଂସା କରିଛନ୍ତି ଏବଂ ଆଗାମୀ ଦିନରେ ଡ଼. ନାୟକ ଆଗାମୀ ଦିନରେ ସେ ନିଜର ଜୀବନକୁ ଗରିବ ଲୋକମାନଙ୍କ ସେବାରେ ନିୟୋଜିତ କରିବେ ବୋଲି ପ୍ରକାଶ କରିଛନ୍ତି ।