ଆଚ୍ଛା ସଙ୍ଗଠନ ପକ୍ଷରୁ ମାସ୍କ ଓ ସାବୁନ ବଣ୍ଟନ ସହ ସଚେତନାତା କାର୍ଯ୍ୟକ୍ରମ

ବାଲେଶ୍ୱର (୨୨.୦୪.୨୦୨୦)- କୋଭିଡ-୧୯ ର ମୁକାବିଲା ଆଜି ସାରା ବିଶ୍ୱ କରୁଛି, ମାତ୍ର ଏପରି ଏକ ଘଡିସନ୍ଧି ମୁହୁର୍ତ୍ତରେ ଆଗେଇ ଆସିଛି ସାମାଜିକ ସଂଗଠନ ଆଚ୍ଛା । ଚାଇନ ପ୍ରଦେଶର ଉହାନ ଠାରୁ ବାଲେଶ୍ୱର କେତେବାଟ ସ୍ୱପ୍ନରେ କଳ୍ପନା କରିବା ଭାରିକଷ୍ଟକର କିନ୍ତୁ ଦୁଃଖର ବିଷୟ କରୋନା ଆଜି ବାଲେଶ୍ୱର ଜିଲ୍ଳାରେ ତାର ଶାଖାମେଲେଇ ସାରିଲାଣି । ଆଜି ବାଲେଶ୍ୱରର ସଦରବ୍ଲକର ଗେଙ୍ଗୁଟୀ ପଞ୍ଚାୟତରେ ସରପଞ୍ଚ ବିରୁପାକ୍ଷ ମହାପାତ୍ରଙ୍କ ନେତୃତ୍ୱ ଓ ଜିଲ୍ଲା ଭାଜପା ସଭାପତି ଉମାକାନ୍ତ ମହାପାତ୍ରଙ୍କ ସହଯୋଗରେ ସ୍ଥାନୀୟ ଜନସାଧାରଣଙ୍କୁ ମାସ୍କ ଓ ସାବୁନ୍ ବଣ୍ଟନ କରାଯିବା ସହ ପ୍ରତିଟି ଲୋକମାନଙ୍କୁ ଭୟବିତ ନ ହୋଇ ଘରେ ରହିବା ପାଇଁ ବୁଝାଇ ସରକାରଙ୍କ ନିର୍ଦ୍ଦେଶ ମାନିବା ସମ୍ବନ୍ଧରେ ବୁଝାଇଥିଲେ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ କୋଭିଡ-୧୯ ର ସମସ୍ତ ନିୟମାବଳୀ ସଂଗଠନର ସଭାପତି ବିସ୍ମିତ ରଞ୍ଜନ ଦାସ ବୁଝାଇଥିଲେ ଓ ସଂପାଦକ ରଣଜିତ୍ କୁମାର ପୃଷ୍ଟି ସାମାଜିକ ଦୂରତାର ଉପାଦେୟତା ବୁଝାଇଥିଲେ । ସ୍ୱାସ୍ଥ୍ୟ ସଂଯୋଜକ ଉଦୟଭାନୁ ନାୟକ , ଉପ‐ସ୍ୱାସ୍ଥ୍ୟ ସଂଯୋଜକ ଅନ୍ତର୍ଯ୍ୟାମୀ ବେହେରା ,ସଂଯୋଜକ ମୋନାଲିଶା ମହାନ୍ତି ,ରାକେଶ ଶିଅଳ ପ୍ରଭୃତି ଉପସ୍ଥିତ ଥିଲେ